أنسى الدنيا ولا أنساكي
نفسي العمر يكون وياكي
عمري فداكي وقلبي معاكي
أنا من دمك وانتي فـ دمي
===
لمَّا اتوجَّع شايلة جراحي
أفراحك دايماً أفراحي
ونجاحك في الدنيا نجاحي
وفـ قلبك أحلامي تضمي
===
صوتك أحلى نَغَم فـ وداني
بجمايلك علطول وخداني
اللي عشانك يبقى عشاني
همك دايماً تمسحي همِّي
===
حبيتك وانتي تتحبي
على إيدك كنتي بتربي
وبقربك اقرب من ربي
دِه الجنة تحتك يا أمي
...
No comments:
Post a Comment