الحزب الوطني بالذات
كان بيجيب في الإنتخابات
رُز وسكر للجمهور
وكمان زيت ولسان عصفور
علشان كده كان رأيي يعمل
لَجنة انتخابية في "كارفور"
...
Saturday, November 06, 2010
59
Monday, October 11, 2010
58
يا بَدَوي يا مُعارضة بجد
"الدستور" دلوقتي أَشد
وعليه بَصَمَاتَك هَتبان
غَيَّر بس انت العنوان
الدستور خليها حياة
ومكان عيسى حُط رزان
...
Wednesday, September 29, 2010
Sunday, June 20, 2010
55
حكومتنا حبيبتنا أكيد
ومعاها فلوسنا بتزيد
نتمنَّى نشوفها بتمِيل
فوق الميَّا في جو جميل
وتكون طايرة ويربط راسها
حبل في كوبري قصر النيل
...
Tuesday, June 01, 2010
54
إنتخابات الشورى نزيهة
ومفيش غش وتزوير فيها
والناجحين فَازوا بإخلاص
ولا إرهاب ولا ضرب رصاص
بس يا ترى كام واحد فيهم
إختَرتوه علشان " بلاص " ؟!
...
Thursday, April 08, 2010
53
العالَم بَقَى أُوضة كبيرة
فيها أشكال الظُلم كتيرة
اللي بيتحارِب على دِينُه
واللي يخاف الكُل يدينُه
والخيبة انك تبقى فـ أوضة ..
وماتفرِقش عن الكومودينُو
...
Friday, March 26, 2010
52
اللي نشوف ويَّاه (النَّصب)
(ويجُرِّك) يا بلادي غَصب
ليه حاطَّاه في الحُضن وضَامَّة !
من حَقنا نشكيلِك يامَّا !
إننا مفعول به (منصوب) ..
( والفاعل مرفوع بالضمة !! )
...
Thursday, March 04, 2010
51
كانت نَحلة بتِلدَع ناسها
بتقول دلوقتي بإحساسها
هاستغفر وهاتوب منْ لَدعي
واتحجِّب وهاصَلِّي وهَادعِي
بس يا رب استُرها علَيَّا
وابعِد عني اللي اسمُه "برادعي"
...
Monday, March 01, 2010
إزَّاي
إزاي يبقى فـ إيد سجان
محمود عزت والعريان
والعالم عبد الرحمن
إيه يعني لو كانوا "إخوان" !!
ناس بسيرتها وبكفائتها
يشهد ليهم كل مكان
دول لو كانوا فـ بلد تانية
كانوا اتعينوا وُزرا فـ ثانية
أو كانوا لاقوا الإيد الحانية
بس بلادي زاد قساوتها
على "إخوان" قدَّروا غَلاوتها
ضحُّوا كتير علشان رِفعتها
قالوا مش فارقة انها ظالمانا
ماهو ربنا سبحانُه يرانا
في السجن الناس دِه ماخسرتش
وبلدهم هيَّ الخسرانة
مَصر يا ناس هيَّ الخسرانة
مَصرنا والله الخسرانة (!!)
Subscribe to:
Posts (Atom)
