مهما تعدِّي سنين فـ حياتي
لازم هرجعلك وهاجيلك
مهما هتكتر يوم حكاياتي
هاجي أبوس إيدك واحكيلك
===
جاي محتاج انك تسامحني
جاي وواحشني انك تنصحني
جاي وقساوتي شايفها جروح
والتجريح بقى بيجرَّحني
===
ياللي مكانك نن عيوني
ياللي إديك تعبوا وربوني
ياللي غلاوتك نور أيامي
لو 100 سنة مش هينسوني
===
ياللي في رحلة عُمر شقيت
وانت اللي بوعدك وفيت
لو باوفيلك مش هاوفيلك
ولحنيّة حضنك جيت
===
جيت يابا ومن غيرك اتوه
عمري فـ بعدك يوم ما اتهنَّى
واللي بيجحد رحمة أبوه
إزاي يدعي يكون في الجنة