49

( اتنين ) حَبُّوا بإخلاص نية

واتمَنُّوا فـ عصر الحرية

إن بَلَدنا تكون بتقب

وعشان مَصر كمان بتحب

خطوبتهم كانت فـ "ابو زعبل"

وفرحهم في "الهايكستب"

...

48

قال مش شايِف أي فَساد

وَلا شايف فَقر بيزداد

ولا شايف للظُلم أمارة

ولا شايف للشعب خسارة ؛

بعدين قام مـ النوم مَفزوع ،

يصرخ ويقول : "النَّضَّارة" (!!)

...

47

الحُرية زَي الضوء

"والحاكم" شباك من فوق

لو مقفول، الضوء مَيجيش

ولا عُمر الحرية تعيش ؛

الحرية بتدخل بلدك ..

لما بتخلع منها "الشيش" (!!)

...