إحنا كل المصريين
إيد واحدة ويَّا فلسطين
واللي يمس ترابها تاني
عمرنا ما هنفضل ساكتين
غزة والضفة الغربية
خان يونس نابلِس وجنين
زي الجيزة واسكندرية
أسوان سينا وقنا وشبين
كل أراضيكي أراضينا
إوعي تقولي ان احنا نسينا
واحنا اللي عشقناكي سنين
حقك مـ اللي آذوكي علينا
بكرة هنحميكي بعنينا
اللي ما بينّا دم ودين
رايحين عـ القدس وناويين
في الأقصى نصلي ملايين
راجعين يا فلسطين من تاني
نكتب إسم صلاح الدين
