مش هتهون الدعوة عليَّا .. لو بإديَّا .. هضحِّي دهور
مش هتنازل عن سفينتها .. أنا حبتها .. حُـب النــور
هيَّ الـدم اللي فـ شراييني .. مهما يجيني .. ظلـم وجـور
هيَّ حيـاتي ونبض إيمـاني .. على جثمـاني .. هتبقى زهـور
هيَّ سنين عُمري اللي بشوفهـا .. راسمة حروفهـا .. بمهر الحـور
مهما تزايد على أفكاري
مهما تشوِّه يوم فـ شعاري
الظلم هيفضل فـ صحاري
ولا عُمره هيمنع مجاريها
وفـ ميادينه هيثبت فيها
أرضُه البور
إزاي هتفَّكرني هسيبها
إيه بيساوي الكون فـ غيابها
اللي يعيش لحظة فـ رحابها
أو يتعامل مع أحبابها
دنيا وآخرة هيِلقى ثوابها
أَد بحور
درب الأنبيا عُمره ما هان
سكَّة توصَّل أعلى جنان
وفـ محنتها الفجر يبان
والحب الموجود فـ ساحاتها
ضَي قلوبها وبين جناحاتها
زَي طيور
هيَّ الدم اللي فـ شراييني .. مهما يجيني .. ظلم وجور
هيَّ حياتي ونبض إيماني .. على جثماني .. هتبقـى زهور
هيَّ سنين عُمري اللي بشوفها .. راسمة حروفها .. بمهر الحور
...
